Eerstens:

Die is nie nog 'n motiverings praatjie nie.
Die is ook nie 'n groep wat jou hand gaan vashou en wat jy oor 'n week van sal vergeet nie.

Die is waar jy begin beheer vat oor jou eie virbetering.

Week 1 se fokus

Fokus: Denkwyse, Eienaarskap en Persoonlike Verantwoordelikheid
Voor ons begin, wil ek een ding baie duidelik stel. Hierdie program is nie hier om julle te motiveer nie. Motivering verdwyn. Hierdie program is hier om te help verander hoe julle dink en hoe julle opdaag.

Wat sê Luci:

Niks in hierdie program werk as jy blameer, verskonings maak of wag nie. Alles werk wanneer jy eienaarskap neem. Dit is ’n veilige ruimte, maar dit is ook ’n eerlike ruimte.
Julle het die Week 1-video’s gekyk. Daardie video’s was nie oor perfek wees nie. Dit was oor bewuswording. Bewuswording is die beginpunt van verandering.
As jy nie jou patrone raaksien nie, kan jy dit nie verander nie.

Refleksie

Dink vir ’n oomblik hieroor:
• Waar blameer ek gewoonlik ander mense of omstandighede?
• Waar vertel ek myself stories in plaas daarvan om op te tree?
• Waar weet ek reeds beter, maar doen ek nie beter nie? Dit is nie om jou sleg te laat voel nie. Dit is om jou wakker te maak.
• Wat het vir jou uitgestaan in die video’s hierdie week?
• Watter een gewoonte of gedagte het jy besef hou jou terug?
• In watter area vermy jy verantwoordelikheid?
Daardie stilte sê vir my iets, en dit is reg so. Groei begin dikwels ongemaklik.

Hier is die waarheid wat baie mense vermy:
Jou lewe lyk soos dit lyk weens jou besluite, nie jou bedoelings nie. Om verantwoordelikheid te neem gaan nie oor skuld nie. Dit gaan oor krag.
Die oomblik wanneer jy sê: ‘Dit is op my,’ kry jy beheer terug.

Weeklikse uitdaging

Jou uitdaging vir hierdie week is eenvoudig, maar nie maklik nie. Vir die volgende 7 dae:
• Vang jouself wanneer jy ander blameer, kla of verskonings maak
• Stop jouself, al is dit halfpad deur ’n sin
• Vervang dit met: ‘Wat kan ek hieraan doen?' Geen perfeksie nie. Net bewuswording en moeite.

Volgende week vra ek nie wie perfek was nie. Ek vra wie eerlik was. Eerlikheid wen elke keer bo voorgee.

Jy hoef nie hierdie week jou hele lewe te verander nie. Jy hoef net te begin om eienaarskap daarvan te neem. Groei begin wanneer verskonings eindig.

Week 2 se fokus

Selfdissipline, Gewoontes en Konsekwentheid

Wat sê Luci:

Week 1 het gegaan oor bewusmaking en eienaarskap.
Week 2 gaan oor iets moeiliker: selfdissipline. Nie talent nie. Nie motivering nie.

Dissipline. Dissipline beteken om te doen wat nodig is, selfs wanneer jy nie lus is nie. Julle het Week 2 se video gekyk.
Die boodskap was eenvoudig: Jou gewoontes bou jou lewe, of breek dit af. Jy hoef nie gemotiveerd te wees om te groei nie. Jy moet net konsekwent wees.

Refleksie

Dink vir ’n oomblik hieroor:
• Watter gewoonte help my vorentoe?
• Watter gewoonte hou my terug?
• Waar begin ek sterk, maar hou ek nie aan nie? Dis nie ’n karakterfout nie. Dis ’n vaardigheid wat geoefen kan word.
• Watter gewoonte het jy besef steel jou tyd of energie?
• Wat maak dit vir jou moeilik om konsekwent te bly?
• Waar wag jy vir motivering in plaas van aksie? Onthou, jy moet eerlik hier wees.

Hier is iets belangrik:
Motivering laat jou begin. Dissipline laat jou aanhou. Suksesvolle mense doen nie meer as ander nie. Hulle hou net langer aan.

Weeklikse uitdaging

Hier is jou uitdaging vir hierdie week:
Kies een klein gewoonte wat jy elke dag gaan doen. Nie groot nie. Nie perfek nie. Net daagliks.

Byvoorbeeld:
• 10 minute lees
• 5 minute beplanning
• 1 taak wat jy nie wil doen nie, maar doen jy tog
Doen dit elke dag, ongeag hoe jy voel.

Volgende week vra ek nie of dit maklik was nie. Ek vra: Het jy opgedaag? Konsekwentheid bou vertroue in jouself. Jy bou nie dissipline in ’n dag nie.
Jy bou dit deur elke dag op te daag. Klein aksies. Elke dag. Dis hoe selfvertroue groei.

Week 3 se fokus

Hierdie week praat ons oor iets wat baie mense se lewens beheer sonder dat hulle dit eers besef.

Wat sê Luci:

Emosies.
Emosies is kragtig.
Maar as jy dit nie leer bestuur nie, gaan dit jou bestuur. Julle het die Week 3-video gekyk.
Die groot les hierdie week is eenvoudig:
Jou emosies is werklik, maar hulle moet nie jou besluite beheer nie. Emosioneel intelligente mense ignoreer nie emosies nie. Verstaan dit en bestuur dit.

Refleksie

Dink vir ’n oomblik eerlik hieroor:
• Wanneer ek kwaad word, hoe reageer ek?
• Wanneer ek gestres of oorweldig voel, wat doen ek gewoonlik?
• Help my emosies my om beter besluite te neem, of slegter?

Die meeste foute wat mense maak gebeur nie omdat hulle dom is nie. Dit gebeur omdat hulle emosioneel reageer voordat hulle dink.
• Watter emosie sukkel jy die meeste om te beheer?
• Het jy al ooit ’n besluit geneem wat jy later berou het omdat jy emosioneel gereageer het?
• Wat help jou om kalm te raak wanneer jy ontsteld of gefrustreerd is?

Hier is iets belangrik om te onthou:
Jy kan nie alles beheer wat met jou gebeur nie. Maar jy kan altyd beheer hoe jy reageer. Daar lê jou krag.

Weeklikse uitdaging

Vir die volgende 7 dae wil ek hê jy moet een ding oefen. Wanneer jy ’n sterk emosie voel - kwaad, frustrasie, stres, skaamte - pauseer voordat jy reageer.
Haal asem. Vra jouself:
Wat is die beste reaksie hier, nie net die vinnigste een nie? Volgende week verwag ek nie perfeksie nie. Ek wil net hê jy moet begin raaksien wanneer emosies jou reaksies begin beheer.
Emosioneel sterk mense is nie mense wat niks voel nie. Hulle is mense wat nie emosies toelaat om hul optrede te beheer nie.
Dit is ’n vaardigheid wat jy kan bou. En elke week wat jy hier opdaag, bou jy daardie krag.

Week 4 se fokus

Selfvertroue, Identiteit en hoe jy in jouself glo

Wat sê Luci:

Week 1 was eienaarskap.
Week 2 was dissipline.
Week 3 was emosionele beheer.

Nou kom ons by iets wat baie mense jaag, maar min mense regtig bou.

Selfvertroue.

Die meeste mense dink selfvertroue is iets wat jy het of nie het nie.
Dis nie waar nie.
Selfvertroue is iets wat jy bou deur jou aksies. Julle het die Week 4 se video gekyk.

Die kernboodskap hierdie week is:
Selfvertroue kom nie voor aksie nie. Dit kom as gevolg van aksie. Jy wag nie om gereed te voel nie. Jy tree op, en dan word jy gereed.

Refleksie

Wees eerlik met jouself:

• Hoe sien ek myself?
• Vertrou ek myself om aksies deur te voer?
• Stem my aksies ooreen met die persoon wat ek wil word?

Jou identiteit is nie wat jy sê nie.
Dit is wat jy oor en oor doen.

• Waar in jou lewe kort jy selfvertroue?
• Wat vermy jy omdat jy aan jouself twyfel?
• Wanneer laas het jy vir jouself bewys jy kan iets moeiliks doen?

Groei begin gewoonlik waar jy ongemaklik voel. Dis normaal.

Hier is die waarheid:

Selfvertroue word nie gebou deur net da-oor dink nie. Dit word gebou deur jou beloftes aan jouself te hou.

Elke keer wat jy doen wat jy sê jy gaan doen, bou jy vertroue in jouself.
Elke keer wat jy dit nie doen nie, breek jy dit.

Weeklikse uitdaging

Hierdie week bou ons selfvertroue die regte manier.

Jou uitdaging:

• Kies een ding wat jy vermy
• Iets klein, maar ongemaklik
• En doen dit hierdie week
Geen oor-dink nie. Geen wag nie.
Aksie bou selfvertroue. Vermyding breek dit.

Accountability

Volgende week vra ek nie of jy selfversekerd gevoel het nie.

Ek vra:
Het jy opgetree al het jy nie selfversekerd gevoel nie?
Jy word nie selfversekerd deur te hoop nie. Jy word selfversekerd deur vir jouself te bewys, oor en oor, dat jy opdaag.
Dis hoe identiteit verander.
Dis hoe jou lewe verander.

Om volle Program te kry: